一年幾前用依個 blog 果時我係 humber 讀緊第一年.... 係 res 住, 仲未夠19, 仲未開始會出街玩... 仲記得果時我一落課就會返 res, 唔多同啲同學一齊玩或食飯.... 估唔到只係短短一年時間, 我會有咁大既變化.... 大個女咗, 讀完 college, 開始飲酒, 開返車 (仲會上 highway), 識咗啲好好既朋友, 個人開朗咗.... 但係就冇之前咁成熟啦, 仲可以話我細路女咗.... 之前既我唔係返學就係返工, 同朋友出街既時間都冇... 但係依家唔會再係咁lu, 因為我發現我自己20都未夠, 依家都唔好好咁去玩, 30幾果時先去咩?! 所以之後我都唔會架啦....
依家諗返下, 我開始變既時間就係 humber 既第二年.... 可能因為我哋個 program既人少咗... (其實本來都唔係多架啦, 第一年果時有28人到.... 第一個學期就走咗三, 四個... 第二年就只係得返我哋二十人到)... 咁可能因為我哋人少啦, 人同人之間既感情都好好... 大家真係好似一個大家庭咁, 冇啲話邊個同邊個唔好既事發生既.... 可能因為我哋成日都知一齊做 show, 所以係學校同見佢哋既時間仲多過返屋企見屋企人.... 我有一個月晚晚都係一點幾返到屋企, 沖完涼就去訓, 第二朝六點幾起出門口去返學... 日日如是, 星期六日都係.... 試過一個星期冇見過我屋企既人... 晚晚返到屋企既感覺好似自己住咁..... 但係就算係咁忙, 果時都係過得好開心架....
係 humber 既第二年我開始飲酒, 因為我地次次做 show 都會開一個 "Opening Party" 同一個 "Closing Party"... 係我哋依一行既 tradition 嚟架啦.... 我第一年一個都冇去, 因為未夠19唔入得, 第二年我去咗三個... 就係果時開始飲酒, 同第一次飲醉~
係 讀 humber 既第二年既三月到啦, 我識咗 44 既幾個佢學校既朋友... 開始會同佢哋一齊去街玩.... 其實係一月 44 生日既時候已經見個其中兩個架啦, 但係因為果晚太多人, 冇同佢哋講過啲咩, 所以唔算得係識咗..... 三月之後就多咗同佢哋去街玩.... 44 就係以前係 humber res 識既, 盈盈同kitkit就好似兩個大細路咁, 咩都可以玩, 成日笑, 好玩得既.... tantan係我哋幾個裹面最細既一個, 得17, 但係佢好似係最成熟果個.... alan 係我哋幾個既唯一個男仔, 都係傻傻哋既.....
點解我好似講咗咁多歷史咁?! 冇呀... 只係 fill in 返依一年我冇係依個 blog 打既野... 哈哈~~
唔 係, 只係因為上次同以前中學咩都講既朋友 chat 返, 佢話我 msn 突然多咗好多佢唔識既人名係到, 所以 fill in 返個 blog 既同時 fill in 返俾佢知囉..... 同等其他想知我生活既人fill in 返... 因為我都有好耐冇打 space/blog 啦... 多數人都唔知我依排發生既事....
有 時真係覺得好可惜架, 因為以前係 uhs 果時我日日都同一個朋友msn, 有咩開心唔開心都會同佢講... 但係入咗college/大學之後大家開始識唔同既朋友, 開始冇咁多時間晚晚都 msn.... 但係上次我入 waterloo 做成西個show 既時侯, 因為我 stay 咗一晚 (其實我本來係唔 stay 架, 係因為我依個朋友走咗嚟 fed hall 搵我, 我見到佢之後又好掛住佢, 所以結果我都係 stay 咗一晚), 我去咗佢 res 同佢 chat 咗個幾兩個鐘.... 希望我今年入 waterloo 個時我又可以見到佢啦... (我哋好似係多倫多冇未緣份咁... ) 但係有一句說話我好想同佢講... 不論我識咗幾多個新朋友, 不論我同佢哋玩得幾開心... 你永遠都係我一個好好既朋友, 一個我可以任何心事都講既朋友~~ 我仲要好多謝你會去我既生日, 我真係好感謝你會嚟, 仲希望你會有一個開開心心既晚上~~以 前既 post, 你哋鐘意就睇, 唔鐘意就只係睇以後果啲啦... 之前個啲 post 好多都係好白痴, 自己睇返都會問自己點解以前可以咁stupid... 但係點講都好啦... 之前既事永遠都係我既歷史之一, 我想改變都改變唔到... 只好accept 咗佢, 如果唔係只會唔開心....
No comments:
Post a Comment