表弟妹

我永遠都只可以係做人地表姐
因為不論係媽媽或爸爸果邊我都係第一個小朋友出生
結果都可以話係萬千寵愛在一身
直至到我細妹出世

2002 我公公婆婆既三胞胎孫仔孫女出世
結果佢地三個就帶左好多歡樂俾我屋企













今個聖誕假佢地係英國返黎一個月
宜一個月都係我第二次同佢地相處
上一次係佢地得二十個月大
結果佢地因為太怕我
好少同我玩

不過今次既相處真係好開心
佢地真係好可愛 (但都好頑皮)
有時候就算幾唔開心
佢地叫一句 "表姐" 就咩都會唔記得哂

但係同三個玩會比起同一個玩係有啲唔同
因為有三個
唔會全部大人都會係個廳到圍住果一個小朋友
當有三個既時候
佢地可以有一個係廳同公公玩
一個係房A 同我玩
一個係房B 同婆婆玩
不過當然都有時候係三個一齊同我玩
呀, 唔係... 應該係話三個一齊玩我
不過點都好
都係好開心既...

今次見佢地先發現原來六歲小孩識好多野
佢地不停做出啲我覺得好出奇既事
我發現自己對小孩子既認識係零
不過有一樣野我係知道既
就係我都幾鍾意小朋友
(笑)

可能佢地太可愛啦
早幾天佢地上機返英國
送完佢地上巴士回家之後
見到婆婆眼濕濕
我自己心都酸一酸