新時候的回憶

以下係我係一個前同事既FACEBOOK到見到佢打既文章
我睇完之後
覺得佢講得好正
每一樣都係正正當時我係新時代做野既想法

突然我腦海入面出現左好多以前既回憶
- HONEY第一句同我地講既說話
- 同啊哥第一次見面
- 第一次同啊哥出CREW
- 明哥叫我自己拍野
- 明哥係新聞部當住咁多人面前教我拍野
- 第一日返工同KIT叔出CREW, 俾佢玩
- 同成班師父助手BBQ, 識到哥哥
- 同TAI師父既一次談天
- 好多好多次係半島食飯
- 拍大城小聚的不同笑事
還有很多很多不同出CREW, 在公司發生既又開心又痛苦既回憶

人工低, 工作時間長又不定時, 沒福利, 還有工作範圍包括但不限於攝影(即是說 與攝影無關的都有可能要做)....
簡單來說, 老一輩統稱之為無前途的工

是真的嘛?
以上所說的全是真的, 看似真的沒得狡辯.

做的所有事都只不過是手板眼見功夫.
由鋸木噴油, set 境打燈, 搬野執廠, 出街訪問, 拍廣告特輯搞function, 派poster,
甚至到完全與電視台無關(同大老細有關)的business booth setup, 不知不覺學到不少.

技術性方面如打燈set camera等也開始明白了解怎麼做有甚麼效果.
跟不同的cameraman出外拍攝又有不同的要求及風格
跟不同的節目出外做訪問又是另一個體會. 現場看訪問和電視機旁看感受大大不同.
受訪者之對答見解更加擴闊自己的視野及觀念.
(如加拿大某些教會對同性戀的看法等等)
還有一些晚會, 如孟嘗千叟宴, 多倫多時裝界的頒獎禮等盛會,
平日沒可能到的地方都去過了.

傳媒的影響力, 真確性也都看清楚了.
選擇性報導, 報喜不報憂等等, 觀眾不在現場是不知道的.
報導並無失實, 而部份形容詞如"非常熱鬧"等等都是因應個人觀感而定, 不能作準.
畫面交代的, 正反兩面也可以, 只在乎監製怎麼寫這個故事而編排.

中國人電視台, 少不免比其他公司多辦公室政治, 閒話亦多,
不排除呢一刻也有人在我背後說我壞話.

有些前輩真的好nice, 似朋友般的對待助手.
有的就尖酸刻薄, 斤斤計較, 打橫來有佢講無人講;
有的笑裡藏刀, 真的死了都唔知發生乜野事;
有的很cool, 不願多談話; 有的熟絡了就好言相向, 肺腑之言;
有的就很懂得搞氣氛, 永無冷場;
有的, 回公司是擺到明溝女不是工作的;
有的, 卻是不計較好抵得稔乜都做無怨言...

有前輩向我解釋電視台生存之道, 簡直就係天書般無得彈
有番幾廿年經驗的, 就已經見慣風浪, 能被重就輕, 閃得就閃, 免得做多錯多,
更加會防別個department卸膊過來
三尖八角的頑石被水沖擊得多也必變得圓滑, 拋光後像光頭一般的"令",
甚麼來就甚麼去, 不留痕.

這些, 都不能在書本上見識得到.
人際關係永遠都是最深奧的其中一環, 我剛見識到初班的利害, 已經畢生受用.