今朝一早 7:30 唔洗鬧鐘叫就已經醒左.... 44話我可能係太緊張, 所以自己識得醒... 本來以為 7:45 鬧鐘叫我都唔會醒.... 點知..... 可能我尋晚冇俾自己去諗今日既事.... 因為, 我好怕我又會喊... 我好驚自己會唔捨得 jeff... 今日去去 jeff... 我俾我自己想像中好好多, 我冇喊都收唔到聲.... (其實我係會架... 不過我唔俾自己咁做.... 我係咁忍住啲眼淚...） 我真係好掛住 jeff... 今日見到佢, 我真係好想上前同佢講, "jeff, 起身啦, 唔好玩..." 但係, 當然冇可能啦, 只不過係我自己發夢..... 見到好多 jeff 以前既相, 佢既 video, 佢啲朋友講佢既事... 佢真係一個好好既朋友... 我真係好想我依個朋友返黎... 陪我講電話, 陪我去街, 陪我講心事... 佢真係一個可以講到心事既朋友, 就算我既家事都可以同佢講得.... (就算我好親切既"朋友"我都未必會同佢講家事, 但係我都可以同 jeff 講)
我仲有一樣事幫 jeff 做... 一樣只有我可以做到, 一樣唔係為我自己做... 係為我依個永永遠遠既好朋友 jeff 做既.... 做完依樣事, 我諗我就可以之後只張 jeff 放係心裡面... 我唔想我身邊既朋再搶心我.....
係依到... 我真係好想多謝我幾個好朋友...
flora/44... 我真係好多謝你... 如果依兩個星期冇左你陪住我... 我真係唔知我會喊成點, 唔點我幾時先會訓得著... 好多謝你陪我講左好多野... 陪我講心事... 俾我講 jeff 既野, 又唔會驚.... 我只可以講既就你, 真係, 好好好多謝你....
yingying/盈盈... 多謝你關心我... 多謝你就算唔知可以點樣 tum 我, 都一路陪住我... 仲有, 對唔住, 有一兩次我真係好唔開心, 笑唔出, 係咁睇地下既時候你都一直陪住我... 多謝你冇唔理我, 係我最需要朋友既時候一直陪住我... 多謝你呀....
老公... 我同你既野, 唔洗講咁多啦... 我地心靈相同架嘛... 我只係需要同你講一句, thank you, i love you....
Subscribe to:
Post Comments (Atom)
1 comment:
we are friends ma~ I'm always here for u!
Post a Comment